عن بعض حاجات حاسين بيها .. ملهاش تتقال
عن دمع بينزل هستيري .. فـ كل الأحوال
عن أم عيوني أما ليلاتي .. تعيدلي الموال
من كام أسبوع .. قلبي الموجوع
كان فرحه قريب
شاف الفستان .. طرحة وتيجان
أبيض بالطيب
روحنا الكوافير .. وكل المشاوير
ومخلصناش
واسرح بخيالي هتكوني ازاي ؟
هتخطّي القصر بكل سعادة العمر الجاي
هتكوني في الأصل ملاك عالأرض
ويخطفها أمير على صوت الناي
تدخلي في خيالي تقولي: كمان
انتي بأبيض واحلى فستان
فأزعق فيها واقول أبداَ
أبيض ده ازاي ؟!!
أبداَ ميكونش في كل الدنيا
غيرك وفـ ليلتك يلبس فستان
هلبس ألوان ...
ولا طولت أبيض .. ولا طولت ألوان
وعروستي اتزفت من غيري
وطلع مشوارنا اللي جمعنا
اخر مشوار
ومكنش خيالي بابداعه
حط في حسباته يفوت عمري
لحظة ما تكون ملكة وبسوار
وشريط العشرة بفوت سرقه
ويقولو اتزفت روح قلبك
باركيلها خلاص
الموت اهونلي متين مرة
من ده الاحساس
وعزايا ان سعادة عمرك
عمر ما تتقاس
في الدنيا نصيبنا وقدرنا
مكتوب في الأصل
لحظات الفرحة المخنوقه
لحظات الوصل
مش كل أمانينا الدنيا
لازم تتحقق
جنة ربنا في الاخرة
هي احسن فصل
زينب عيد
1/9/2013
زفاف هدى 18/8/2013
ربنا يتمم لها بخير
عقبالك ياقمر :)
دمعتيني :(