اموت وافهم
ايه غيتنا نتأمل أغانيها
والكلام
ملوش قيمة ولا معنى
وليه نرسم في أحلامنا
حياة تانيه احنا حابينها
وليه الدنيا تستهبل وتسمعنا
واحنا كمان بنستهبل
نسوق فيها
تهون قلوبنا اللي صونّاها
سنين العمر .. فنجرحها
وعارفينها قلوب طاهرة
وصاينانا
وكان اولى تهون الدنيا
بقسوتها .. ومنزعلشي
تغور الدنيا وبلوتها
ومنتوهشي
ومتهونشي القلوب
تلمسها أغنيه
تحرك فيها كام دقه
ميسووشي
مفيش معنى يدوب فيها
مفيش حاجة بتحييها حياه كاملة
مُسكّن بس مش أكتر
يدوبك شكلها حساس وبيأثر
ومتأثر بصوت كداب
يقول حبيت
وهو أصلا مبيحبش
يقول غنيت .. وعينه تدمع
وانا أدمع
واعيش الدور بطول الليل
وده الغنوه كلامها في قلبه مبيهزش
يقول لحبيبته يا قمري
بصوت حبيب مفيش زيه
تدوب كل العيال جنبه
وكل يدور على قمره وعلى ضيه
وتطلع أصلا الألحان .. اذى عالكيف
كما الدخان في صدر نضيف
ويطلع حبه للبنوته .. سحابة صيف
مع الأغنيه
ولا البنوته تنفعله
ولا هو كمان رستأ
كلامه ده بجميل صبر وجميل نيه
زينب عيد
زينب عيد
:)
Like :)