وأنا طول عمري بتمنّى
وبستنّى .. كتيـــــر جداً
مفيش أمنيّة بتجيني
كـل الأماني بتهْجرني
و تضيع مني
يبان انّي
مبِتعيشْليشْ ولا فرحة
وأحزاني تغنيلي
وبـ لوموني فـ أسلوبي
وفـ طريقتي
ولو عرفو أصول الدنيا
مَـ لاموني
صحيح آمالي قدّامي
ومش طايلة لا ناديلها
ولا عارفة اسيبها تروح
لكن آمالي محدودة
بحدود شوفي
وواحد بس بيحدد
حدود للشّوف
يـ ناس ياللي انتو عارفنّي
قولولهم .. إنه اللي بيجيلي
فـ حدود أبعد من المكشوف
أنا افراحي بتجيلي
فطريق تاني
فطريق تاني
مهوش مألوف
أنا جايلي الأمير نَفْسُه
وأنا أمنيته ومن نِفْسُه
أكون جنبه وأقول ماشي
مع إن عمري ولا حلمته
ولا حتى أطول أصلا
يدوق حلمي الحياة ويّاه
ولا اتمنّيت فـ يوم أبدا
تكون فيه ظروف
تجمع بينّا لو ثانيه
ولو لحظة
ومعبيه بكلام من خوف
انا جايلي الأمير نفسه
لقى فيا اللي كان ناقصه
لكن ملزومة بالساعه
هروبي غصب عن عيني
لكن لسة المقاس عنده
وانا عارفه انه محتاجلي
وانه فـ حاله
لا يحسد عليها أمير
منا الحاله اللي بتجيله
وتحييله حياه في الروح
حياه مكنش بيحلمها
ولو حتى حلم بيها
ميجرؤشي بحلمه يبوح
وبقى مقاسي هو المقياس
وده عمّال يلف يدور
وانا عايشة فـ شيء مقفول
فـ بيت واسع
فـ آخر دور
لكن هكسر قيود خوفي
واعلم درس للمجهول
فجميــــــل جدا
نكون راضيين بقسمتنا
وبسيــــــط جدا يكون الحلم
وفرحتنا بحياة اصلاً
متخطرش بخيالاتنا
تكون أفرح كتير جدا
من تحقيق أمانينا وأغانينا
وأحلامنــــــــــــــا
