جوايا كلام محبُوس ... والعقل سجّانُه
وكل كلمة عروس ... متزوّقة عشانُه
والقلب ده موْكوس ... سايقلي في جنانُه
يدُق دَق شاكوش ... مسمارُه راح خانُه
والعقل جيش مرصوص ... مِنَزّل فَرَمانُه
سابلِي بيان منصوص ... وخد ديله في سنانُه
قال : اي كلام محسُوس ... السّجن ده مكانُه
مفتاحه يا فلحوس ... مع "سين" في أحضانُه
وافضل انا المنحوس ... واقف على بِبَانُه
والبيه عامللي "كروز" ... ونايم على ودانُه
مه دُرجُه بقى متْروس ... مفاتيح على شانُه
وانا هنا مفْروس ... والضّحكة في لسانُه
بكْرَه يجينِي مكْبوس ... يفرشلي في حنانُه
يترجّى أسمّي وأدُوس ... وَأواسي أحْزانُه
بس النّصيب مدرُوس ... وهييجي في أوانُه
والصّبر مش بفلوس ... صبر الفؤاد زانُه
ومرارته دي دبّوس ... بتْشَكْشُكْ أَيامُه
وقت الهنا مفهوش ... غير القدر وألْحانُه
وينادي يا نَنّوس ... شوفْت الجَمال ... سبحانه
لينا القَمَر مخصوص ... مفْروش لعِرسَانُه
وانا وانتَ يا محْرُوس ... بالوِدّ سُكّانُه
زينب عيد ... ومحدش يسأل مين "سين"
طيب ينفع أسأل أنا;)
إيه الجمال ده
وينادي يا نَنّوس ... شوفْت الجَمال ... سبحانه
لينا القَمَر مفْروش ... مخصوص لعِرسَانُه
وانا وانتَ يا محْرُوس ... بالوِدّ سُكّانُه
توووووحفة يا زوزو تسلم إيدينك
ملوش حل ( ال ما تعرفش تكتب ال )
نوده ..... منورة البلوج والله
تسلميلي .. ربنايخليكي ليا
جميله ... بس مين سين ده ... اعترفي
الله .... عسول دا خاااااااااااالص
عاجبنى قوى بجد
رائـــــــــع جداً
ومحاولة اروع
بس انا حابب اوضح نقطة اتمنى تتفاديها فى اى نص بعد كدة
ياريت يكون فى تكثييف لمعانى الكلام وليس للقصيدة
وتنوع فى القافية
دة من وجهة نظرى الشخصية بس القصيدة جميلة جداً وانا ابدى اعجابى الشديد :))
هههههههههههههههه فظيعه
((((((: