البيضه اتشققت وحته منها اتكسرت وكان او انجاز للكتكوته انها خرجت من البيضه بنفسها ومن غير ما حد يساعدها ومشيت فراحانه عايزة تجري وعايزة تجرب كل حاجه وعايزة تطير وتسبق كل الناس
تفتح عنيها تلاقي الدنيا بتقولها انت راحه فين اقعدي متخرجيش من البيضة دلوقتي لسه بدري خليكي هنا مكانك 
لكن الدنيا تقولها مهما عملتي مش هتعرفي عارفه ليه لانك اولا صغيره ومش عندك خبره ومفيش حد هيعلمك انت هتتعلمي لواحدك وبعدين زمان كان الجو امان والجو جميل والناس كويسه لكن دلوقتي الوضع مختلف
قالتلها مه فيه ناس في الزمن ده بتتعب وبتوصل وبتحقق حلمها
تقول الدنيا ايه : وانت ايه الي هيوصلك للناس دي انت متعرفيش عنهم حاجة ومش هتوصليلهم وحتى لو وصلتي مش هيساعدوكي ومش هيفيدوكي متتعبيش نفسك خليكي هنا متخرجيش من البيضه
وبعدين تلاقي ناس جايين يتعرفو عليها وينصحوها واولهم واحد كان هربان وده هربان من كل حاجة وحشه حوليها وبيقولها لا في امل تعالي معايا انا هوصلك وهنطير سوى ولقيت معاه ناس فقالت للدنيا شوفتي لسه في ناس عندها امل وعلمها المشي وقالها ازاي تجري وهي في شده الحماس انها تكبر وتبقى احسن وخلاص هتطير وعملت كل استعداداتها واتغلبت على كل مخاوفها وضحيت بكل الخمول والكسل والراحه وقالت مش مشكله المهم انها هتطير وتحقق حلمها
ولما جم يطيرو قالها لأ الموضوع طلع اكبر مني انا اخري المشي وساعتها الدنيا قالتلها شوفتي مفيش امل انا قولتلك ان مش هتلاقي حد ومش هتعرفي تعملي أي حاجة
والكتكوته احتارت لا دي انهارت كانت هتتجنن بالسهوله دي كل حاجة تروح ازاي... ازاي الكلام ده امال الي بيطيرو دول مين اشمعنى هما وانا ليه مش زيهم وهما مين الي علمهم وايه الي يمنعني وليه الناس دي بتعمل كده هما صح فعلا ولا انا ؟؟؟؟
ولما قررت انها تمشي في طريق هدفها واستعانت بربنا وقالت انا همشي في طريق نجاحي الي انا احدده مش الدنيا الي تحددلي هدفي وتاخد قراراتي انا هجري وهطير وهنجح وهفرد جناحاتي زي الملاك وهغطي الدنيا دي كلها ولما اوصل لكده هساعد كل الصغيرين وهلغي الخوف والفشل والدنيا من تفكيرهم
ومجرد ما خطت اول خطوة لقيت الطريق كله قدامها هو صعب شويتين بس هي لقيته خلاص لو مشيت فيه لاخره هتوصل وسعتها هتكون في السما وهو ده النجاح
ولما مشيت خطوه كمان شافت بجد الناس الي هي عايزة تشوفهم من زمان الناس الي عايزين يطيرو زيها ومنهم الي سابقها بشويه وبرضه بيساعدها ومنهم الي ماشي معاها وواخد بايدها ومنهم الي وراها ومش هيهرب لأ ده هيسابقها
وده كان فريق ماشي في طريق مش مهم هما مين ومش مهم هما ايه بس كل الي هاممهم انهم يطيرو ويسابقو الدنيا ويسابقو العالم ويفردو جناحتهم زي الملايكه وياخدو بايد اي حد حلم ونفسه يحقق حلمه وكمان للي مش بيحلم يساعدوه يحلم ولما يمشي في نفس الطريق وينجح والكون يتملى نجاح وحب وامل وخير وحياة جميله
بهدي الكلام ده لفريق 90 درجة - ولكل عضو فيه ولكل حد اتخرج منه وساب اثر فيه - كلية الهندسة جامعة المنصورة
ويارب الحلم يتحقق
