أنا المعقودة في الدنيا
وعاملة إنّي مش عارفه
همومي السوده عامياني
واعاندها وأقول شايفة
طريقي كله متكسر
ومتحفر
وبيعوّر
وأنا برضه منيش خايفه
ومفيش حتى عيون للنور
مفيش غير سور
سادد عليّا سكتي
وأنا عمّاله بتشعبط
على أغصان شجر ميّت
لا منّه قادر يسنّدني
ولا قادر يحوّطني
ويحميني
ولا حتى يسلّيني
صخور صبري بـتتتـفـتت
وتوب آمالي بيْعَتّت
وصاحب السعاده في الدّنيا
واخد جنب في الضلمة
بيتفرج
ومِتأثر
بِمُوت أحلامي بالترتيب
بِضي اسمي وهو بـ غيب
ولون شعري وهو بـ شيب
ومستني يشوف ضحكة
ومتكفن بها جثه
ومدفونة
ما بين شجرة
وبين السور
فـ مكان مهجور
زينب عيد
تفائلى بالخير تجديه
اللهم اني اعوذ بك من الهم والحزن واعوذ بك من العجز والكسل وعوذ بك من غلبة الدين وقهر الرجال.اللهم فرج هم المهمومين وفك الكرب عن المكروبين.لا اوافقك على الاسم يائسه لا ...بتعافر ماشي..
اهم حاجه اننا نفضل نعافر علشان منسيبش اليأس يتمكن مننا وربنا قادر يجدد الامل سيبيها على ربنا :)
ايه التفاؤل ده :)
بس بغض النظر هى حلوة ;)
رغم الحزن ورغم الغربة
في ملكوت ربي سائح وكلي أمل...
الى من قال لي تفاءلي : شكرا :)
أمّي : منوّراني .. اليأس حالة موجوده في الدنيا لازم نعدي عليها ونعافر برضه
بسمه :معاكي حق ... يارب عينّا .. شكرا ليكي
future : شكرا شكرا وأنت أحلى .. معلش بقى المرة اللي جاية تكون قصيدة فرايجي :)
سمر : كلي أمل ... شكراااااا
اكتر جزء عجبنى ده :
.....
ومفيش حتى عيون للنور
مفيش غير سور
سادد عليّا سكتي
وأنا عمّاله بتشعبط
على أغصان شجر ميّت
لا منّه قادر يسنّدني
ولا قادر يحوّطني
ويحميني
ولا حتى يسلّيني
صخور صبري بـتتتـفـتت
وتوب آمالي بيْعَتّت
....
وتانى ... وااااااه حسرتاااااه !
لما زينب تقول كدة ... احنا نقول ايه !
عيـــــــــب امال لو مكنتيش انسبيراوية :)
ربنا يفرج كربك .. ويفرح قلبك الطيب .. ويسدد خطاكى .. ويحققلك كل حلم حلمتى بيه وهتحملى بيه يا احلى زوزة :)
وافتكرى دايما .. ان مع العسر يسرا ... وضاقت ولما استحكمت حلاقاتها فرجت .. وكنت اظنها لا تفرج ... ان شاء الله الفرج قريب والصبر طيب :)
أنا المعقودة في الدنيا
وعاملة إنّي مش عارفه
همومي السوده عامياني
واعاندها وأقول شايفة
................
الله >>>,,,,,<<< دُمتى مبدعة :))
أنا المعقودة في الدنيا
وعاملة إنّي مش عارفه
همومي السوده عامياني
واعاندها وأقول شايفة
...
بِمُوت أحلامي بالترتيب
بِضي اسمي وهو بـ غيب
ولون شعري وهو بـ شيب
ومستني يشوف ضحكة
ومتكفن بها جثه
ومدفونة
ما بين شجرة
وبين السور
فـ مكان مهجور
....................
رااااااااااااااااائع رااااااااااااااائع رااااااائع ..
ما شاء الله
جميل ^ـ^
الابداع يبدا من الاكتئاب فعلا
لكن انا شايفه انها فيها تحدى
والتحدى امل
استتمرى (: