سهرت ايام كتير من التعب والشغل واتحديت كل الظروف عشان حلمي اللي
قعدت شهور استعد ليه وسنه كاملة اشتغل فيه حلمي ده كان اني امثل مصر في مسابقة روبوكون وبكل بساطة اتحاد الاذاعة والتلفزيون يلغي المسابقه وبأسلوب تقييم ساذج يختار 8 فرق بس يلعبو التصفيات المحلية
وطز في باقي الفرق اللي تعبت وللأسف كتير جدا قبلو ومنهم ناس كنت بعتبرهم مثلي الاعلى.
بقيت لما ابص في المراية اشوف نفسي ووراها السنة اللي راحت عالأرض
وأشوف المرايه ... مراية مشوهه
مرايتي بترسم بواقي السنادي
عشان لما اشوفني اشوفها قصادي
بترسم في حلمي اببض كفن
وبإدين كفيفه راح واندفن
وخلص الأمل وفات الزمن
وعيوني دموعها فيها تدادي
بترسم في شغلي وتعبي وجهادي
شوية زبالة محدش بيها راضي
ومن غير ما عينهم عليا تنادي
يدوسو عليا و يكملو عادي
وترسم طموحي الكبير زي وادي
منبت بشوك وشوكه ده زادي
بينهش في جسمي ويهري فؤادي
وممكن بروحي لطموحي اهادي
فغمو عيوني ... وربطو اديني
وهدو ثقني في نجاحي وعنادي
ومرايتي اللي كانت
في سنيني اللي فاتت
رسماهملي كفـــــاح
ومثل ليا عـــــالي
مرايتي الســـــنادي
رسمتهم ســـــــواد
ظلم وفســــــــــاد
" انا بريئة منهم "
ده كلام بـــــــلادي
مرايتي اللي رسمت بواقي السنادي
ابيض ما فيها كان الكفن
قالتلي فعيونك ضيّ اليلادي
خديه .. وابقي بيه ردي الألم
ــــــــــــــــــــــــــــــــــــــ
زينـــــــــب عيد
في ذكرى ضياع حلم روبوكون 2011
