مرّت حياتي بمرحلة .. وقطر عمري كان سريع
عدّت هوا الكام سنة والكام شتا والكام ربيع
حبّة لقا .. أخدنا فيهم حقنا .. مالذكرايات
من هنا وهنا
من لما حدّ يكون حزين .. وبدون ما يطلب
يلقى الحبايب بتواسيه
من روح منافسه .. من كام مسابقة
يدخلها 10 .. يكسبها واحد
والفرحة تعم عالجميع
أحلى ما في الدنيا صحبة
وأحلى ما في الجامعة دفعة
ياللي انتي جامعة مجمّعة بين القلوب نفس المحبّة
فرّقتي ليه وبحكم مين بعّدتي بينّا حبّة حبّة
يا دفعة لمّة مالبلد من كل طين
فينا المعقد والمأفل وفي اللي ضارب الدنيا طناش
وفيه الدحيح وفيه الفصيح ومزهقنا جدال ونقاش
وفي الدماغ يفهم تمام .. يحفظ طشاش
وفيه كتير .. حفّيظ قديم .. طب يابني افهم يقول بلاش
وفيه حبايب مفيش في الدنيا زيهم
كل المشاكل ملهاش حلول غير عندهم
والله العظيم لو ما كانو في دفعتي
كان زماني فـ أولى .. تانيه
على رأي واحد عمّنا أو عمهم
يا دفعة ياللي حفرتلي ذكرى .. مبتتنسيش
في كل قاعه وفي كل معمل
عن المعيد .. عن أي حاجة الكل ممكن يتلهي
عن بعضنا مبنتلهيش
وفي المدرج .. تلاتة حداشر
بننام ونصحى .. وكأنه بيتنا
واللي بياكل واللي بيلعب
أول ما ندخل .. نسجل حضورنا
بنشين يركز .. واحنا نعيش
يا صحبجة .. مهما مشينا .. مهما اتلاهينا
هتلاقي صورة .. هتلاقي غنوة
يا ليل معدّي .. طوّل شوية
هتلاقي ضحكة مالقلب طالعة
وشريط حياتنا .. عاللحظة واقف
والغنوة لسّا عالصحبة ديّا
يا ليل جميل .. طول شوية
أجمل صحاب .. عدّو عليا
حكم الحياة .. بالعند فيّا
وزّع في بكره .. على ده وديا
وخلّدها ذكرى وأنهى القضية
...
أهداء لدفعة هندسة المنصورة
...
أهداء لدفعة هندسة المنصورة
قسم حاسبات ونظم
2012
زينب عيد
جميلة أوى ..
رائع :)
جميله جدا :)