غريب قوي العنوان مش كده
بس هي دي الحقيقه من المقولات المعرفه ان الكلام بيخفف عن الزعلان وان البكاء بيريح المخنوق والي معروف اكتر ان السكوت علامة الرضا وده كله كلام فاضي لان الكلام بيجيب الزعل و البكاء بيخنق المرتاح
اما السكوت ......... بالظبط زي منا قلت من شويه
والدليل ان كل الناس بتحبك و بتموت فيك طول ما انت بتسمعهم كويس جدا وبتضحكهم و بتخفف عنهم بدمك الخفيف لكن لو انت اللي هتتكلم يبقى هتزعلهم وهتخنقهم يبقى تسكت وتفضل ساكت ولما تحب تتكلم كلم نفسك وكل في نفسك زي الحديد اللي بياكل في نفسه لحد ما يصدأ رغم انه حديد بس حكم القوي
حلو قوي مثال الحديد ده ..اه انت زيك زي الحديد
بايدك توقف برج يزيد عن 100 دور.... وبايدك تهده برضه وسعات تبقى فاكر انك جامد وانت اساسا مصدى يعني ملكاش اي لازمة حتى لو انت اقوى معدن
واللي يضحك انك قاعد مستني اللي يلمعك وياخد بايدك
يا كده يا اما عمرك يخلص على كده والله اعلم ايه اللي هيكون مستنيك وراه يا اما الحل التالت انك تضر الخلق مهي بايظة بايظة على الاقل ساعتها هتلاقي حد يعبرك
هتقوللي ايه ده مش انت بتاع التفاؤل والامل و بكره تشوفو ...
هقولك اه انا ولسه التفاؤل والامل موجودين بس اللي راح حاجة تانية ......
كل انسان لازم يكون حد جمبه ياخد بايده لما يقع مهما كان جامد حتى لو كان بياخد بايد كل الناس اللي حواليه لكن لما تكتشف انك مفيش اي حد بيحس حتى بيك ساعتها تعرف انك صديت خلاص واوعى تعاتب حد ولا تتكلم مع حد لانه هيزعل منك انت لانك مش هتفيده زي زمان ايام ما كنت جامد
الحل الوحيد انك .. سسسسسسس .. تسكت
اللهــــ عليك يا زووززا يـا جامد ايه الكلام الجامد ده بس عندك حق والله :)
if u need me --------- i,m still here--------just call
انت معايا على طول يا شوشو ... ادعيلي بس
بجد كلام جامد جدا يا زوزو ...